ஸ்ரீ சனாதன தர்ம பீடம்

இந்து சமய, கலை, கலாசார மற்றும் சமூக நலப் பணிகளுக்கான அர்ப்பணிப்பு அமைப்பு 

ஸ்ரீ சனாதன தர்ம பீடம் கடந்த காலங்களில் சுமார் மூன்று ஆண்டுகளாக பல்வேறு சமய மற்றும் சமூக சேவைகளை அவ்வப்போது முன்னெடுத்து வந்த நிலையில், 2019 ஆம் ஆண்டு அரசாங்க அங்கீகாரத்துடன் உத்தியோகபூர்வமாகப் பதிவு செய்யப்பட்டு செயல்படத் தொடங்கியது. இந்து சமயத்தின் தொன்மையான மரபுகள், கலை, கலாசாரம், ஆன்மீகப் பாரம்பரியம் மற்றும் சமூக விழுமியங்களைப் பாதுகாத்து, அவற்றை அடுத்த தலைமுறைக்கும் கொண்டு செல்லும் நோக்கத்துடன் அமைப்பு செயல்பட்டு வருகிறது. 

எங்களுடைய நோக்கம்  

பாதுகாத்தல் → வளர்த்தல் → பரம்பரைக்கு வழங்குதல் 

நம் முன்னோர்களிடமிருந்து தலைமுறை தலைமுறையாகக் கிடைத்த இந்து சமய மரபுகள், வேத அறிவு, கலை, கலாசாரம் மற்றும் பண்பாட்டு விழுமியங்களைப் பாதுகாத்து, அவற்றை நவீன தலைமுறையுடன் இணைத்து, எதிர்கால சந்ததியினரிடம் கொண்டு சேர்ப்பதே எங்களுடைய முதன்மை நோக்கமாகும். 

அத்துடன்:

 * அந்தணர் சமூகத்தின் நலனையும் முன்னேற்றத்தையும் உறுதிப்படுத்துதல். 

* அந்தணர்கள் மற்றும் அந்தணர் குருமார்களில் மூத்தவர்களை மதித்து, கௌரவித்தல்.

 * பொருளாதாரத்தில் பின்தங்கிய குடும்பங்களுக்கு உதவுதல். 

* மாணவர்களின் கல்வி வளர்ச்சிக்கு துணைநிற்றல். 

* இயற்கை அனர்த்தங்கள் மற்றும் அவசரநிலைகளில் பாதிக்கப்பட்ட மக்களுக்கு உதவுதல். 

* வேதம் மற்றும் சமயக் கல்வியை ஊக்குவித்தல். 

* இந்து சமயப் பாரம்பரிய அறிவையும் பண்பாட்டையும் அடுத்த தலைமுறைக்கு கொண்டு செல்லுதல். 

கல்வி – வேதம், சமயக் கல்வி மற்றும் மாணவர்களின் கல்வி வளர்ச்சியை ஊக்குவித்தல். 

கலாசாரம் – இந்து கலை, கலாசார மற்றும் பண்பாட்டு விழுமியங்களை வளர்த்தல். 

சமூக நலம் – வறுமையில் வாழும் குடும்பங்கள் மற்றும் தேவையுடையவர்களுக்கு உதவுதல். 

அந்தணர் நலம் – அந்தணர் குடும்பங்களின் நலன் மற்றும் சமூக முன்னேற்றத்திற்குப் பணியாற்றுதல். 

மூத்தோர் நலம் – மூத்த அந்தணர்கள் மற்றும் வயதானவர்களை கௌரவித்து, அவர்களுக்குத் தேவையான ஆதரவை வழங்குதல்.

 எங்களுடைய தூரநோக்கு 

“வலிமையான அந்தணர் சமூகத்தின் மூலம் வலிமையான இந்து சமய சமூகத்தை உருவாக்குதல்.” நீண்டகால அடிப்படையில், அந்தணர் சமூகத்தை ஒருங்கிணைத்து, அவர்களின் அறிவு, ஆன்மீகம், பாரம்பரியம் மற்றும் சமூகப் பங்களிப்புகளைப் பாதுகாத்து வளர்ப்பதே எங்களுடைய தூரநோக்கமாகும். அத்துடன், மூத்த அந்தணர்களின் அனுபவமும் அறிவும் அடுத்த தலைமுறைக்கு சென்றடையும் வகையில் ஒரு நிலையான சமூகக் கட்டமைப்பை உருவாக்குவதையும் நோக்கமாகக் கொண்டுள்ளோம். 

* மூத்த அந்தணர்களை அடையாளம் காணுதல் 

* தேவையுடைய குடும்பங்களை கண்டறிதல் 

* கல்வி மற்றும் நல உதவிகளை வழங்குதல் 

* சமூகத்திற்குள் பரஸ்பர ஒத்துழைப்பை வளர்த்தல் 

* அந்தணர் பாரம்பரிய அறிவைப் பாதுகாத்தல் 

எங்களுடைய சேவைகள்  

அந்தணர் நலச் சேவைகள் அந்தணர் குடும்பங்களின் தேவைகளை அறிந்து, அவர்களுக்குத் தேவையான பல்வேறு நல உதவிகளை வழங்குதல்.  குருகுலம் மற்றும் வேதக் கல்வி வேதம், ஆகமம் மற்றும் இந்து சமய அறிவை அடுத்த தலைமுறைக்கு வழங்கும் வகையில் கல்வி நடவடிக்கைகளை முன்னெடுத்தல்.  மாணவர் கல்வி உதவி பொருளாதார வசதி குறைந்த மற்றும் சிறப்புத் தேவையுடைய மாணவர்கள் உட்பட பாடசாலை மாணவர்களுக்கு கல்வி உபகரணங்கள் மற்றும் தேவையான உதவிகளை வழங்குதல். சமூக நல உதவிகள் வறுமையில் வாழும் மற்றும் உதவி தேவைப்படும் குடும்பங்களுக்கு மனிதாபிமான அடிப்படையில் உதவுதல்.  அனர்த்த நிவாரணப் பணிகள் இயற்கை அனர்த்தங்கள் மற்றும் எதிர்பாராத பேரிடர்களின்போது பாதிக்கப்பட்ட மக்களுக்கு அவசர உதவிகளை வழங்குதல்.  மூத்தோர் நலன் மூத்த அந்தணர்கள் மற்றும் வயதானவர்களை கௌரவித்து, அவர்களின் வாழ்வாதாரத்திற்கும் நலனுக்கும் தேவையான உதவிகளை வழங்குதல்.  இலவச சமயக் கல்வி இந்து சமய அறிவு, வேதம் மற்றும் ஆன்மீகப் பாரம்பரியம் தொடர்பான இலவசக் கல்வி நடவடிக்கைகளை முன்னெடுத்தல். 

எங்களுடைய வரலாறு 

2016 – 2018 அமைப்பின் உத்தியோகபூர்வ பதிவிற்கு முன்பாக, பல்வேறு சமய மற்றும் சமூக நலச் சேவைகள் அவ்வப்போது முன்னெடுக்கப்பட்டன. 2019 ஸ்ரீ சனாதன தர்ம பீடம் அரசாங்க அங்கீகாரத்துடன் உத்தியோகபூர்வமாகப் பதிவு செய்யப்பட்டு, ஒழுங்கமைக்கப்பட்ட நிறுவனமாகச் செயல்படத் தொடங்கியது. 2019 முதல் இன்று வரை சமயப் பாதுகாப்பு, அந்தணர் நலன், கல்வி உதவி, சமூக நலன், அனர்த்த நிவாரணம் உள்ளிட்ட பல்வேறு சேவைகள் தொடர்ந்து முன்னெடுக்கப்பட்டு வருகின்றன.